•  الرئيسية
  •  المنتدى
  •  المتجر
  •  خدماتنا
  •  تواصل معنا



  • أهلا وسهلا بك زائرنا الكريم في منتدى ايجي فيت البيطري، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .






    03-04-2012 01:22 صباحا
    صيدلية ايجى فيت البيطرية للدواجن والطيور ومزارع الدواجن


    بسم الله الرحمن الرحيم


    كل عام وحضراتكم بخير



    موضوعنا اليوم هانتكلم فيه عن


    الصيدلية البيطرية الخاصه بالدواجن


    طبعا مفيش حاجه اسمها صيدليه خاصه بالدواجن او صيدليه خاصه باللارج انيمال


    ولكن حسب طبيعه شغلك وحسب طبيعة المكان اللي انت عايش وفاتح صيدليتك فيه بيحكم عليك ان كنت هاتشتغل لارج او دواجن او حيوانات اليفه او او او ......


    وكان فيه موضوعات قبل كده اتكلم عن الصيدليه البيطرية وكان التركيز فيها علي اللارج


    ولكن موضوعنا هانركز فيه علي الدواجن ان شاء الله


    وبرده هانتكلم عن ان كانت الصيدليه بتاعتك في مكان يشرف علي مزارع الدواجن بنوعيها سواء تسمين او بياض


    او الصيدليه في مكان مش فيه اي مزارع ويعتمد علي شغل التربية المنزلية من الاهالي


    وهاحاول اذكر المنتج و بدون زعل هاذكر رايي في المنتج .. وهي دي تبادل الخبرات اللي بيقولوا عليها ..



    يعني لو انا جربت منتج اكتر من مره وفشل معايا فهانقول انه غير فعال او فعاليته قليله
    عشان باقي الزملاء تستفيد ومتقعش في نفس الاخطاء اللي وقعنا فيها


    وبرده هاحاول اذكر بعض المعلومات الخاصه بشغل الدواجن في سياق الموضوع كده


    عشان الفائده تعم والنقاش يشتد برده ان شاء الرحمن


    دلوقتي حضرتك نويت تفتح صيدليه بيطرية في مكان فيه مزارع دواجن ...
    لازم وحتما ولابد تكون عندك اتقان شديد لشغل الدواجن وأعمال المزارع والتطهير والبرامج الدوائيه وبرامج التحصينات


    ويكون عندك درايه تامه بكل الامراض التي تصيب قطعان التسمين او البياض حسب ماهاتشتغل


    عشان لو حضرتك ضعيف في الشغل ده ... المربيين هاياكلوك وينهشوك وتضيع نفسك وانت لسه مبتدأ


    فياريت متفتحش غير وانت perfect في شغل الدواجن
    عشان متحرجش نفسك


    هاتبتدي تجهز معرضك البيطري وعملت اماكن وضع الادوية والمستحضرات والمستلزمات اللي هاتشتغل فيها
    وعملت مكتب محترم يليق بيك كطبيب بيطري محترم



    المعرض طبعا لازم يكون متوفر فيه تلاجه كفائتها عاليه جدا
    عشان التحصينات وبعض الادوية اللي لازم تتحط في التلاجه


    ويكون متوفر عندك مروحه شديده كده وحبذا لو تكون توشيبا عشان بعض الادوية بتحتاج درجة حراره منخفضه جدا وتهويه جيده


    نيجي بقي للاشياء اللي هاتحتاجها في معرضك


    اولا مستلزمات المزارع


    تنقسم الي :



    أ :- أطباق التحضين ودي المزارع بتستخدمها عشان التحضين من عمر يوم لحد 12 : 15 يوم
    او حسب كل مربي مابيستعملها في مزرعته
    و الالف فرخ بيحتاج حوالي 25 طبق تحضين بواقع طبق واحد لكل 40 فرخ
    قابله للتغيير حسب الصيف والشتاء ودرجة تكدس الفراخ


    وانصحك تبدا معرضك بحوالي 100 طبق تحضين علي الاقل قابله للزياده طبعا حسب امكانياتك



    ب :-السقايات او المساقي كما يطلق عليها


    فيه سقايات صغيره سعة 2 لتر دي نادر ماتستخدم في المزارع ولكن تستخدم بكثره في التربية المنزلية
    وممكن حضرتك تبدأ بحوالي 150 سقايه صغيره نظرا لرخص تمنها



    السقيايات ال 4 لتر هاتستعملها من عمر يوم لحد عمر 15 يوم وممكن تبدا معرضك بحوالي 100 سقاية سعة 4 لتر



    وبعد كده السقايات ال 8 لتر ودي بتستعملها المزارع من عمر 15 يوم لحد اخر الدورة وبرده ممكن تبدا معرضك بحوالي 100 سقايه 8 لتر



    وبالنوسبة لعدد السقايات في العنبر الالف بيحتاج حوالي عشرين سقايه بواقع سقايه لكل خمسين فرخ




    بعد كده العلافات وفيه منها علافات صاج وعلافات بلاستيك
    والاغلب والاكثر انتشارا في المزارع هي العلافات الصاج


    وهي برده احجام مختلفه فيه منها بيشيل 6 كيلو اكل وفيه منها بيشيل 9 كيلو


    وممكن تجيب من كل نوع خمسين علافة صاج تبدا بيهم قابله للزياده طبعا


    بعد كده برده ممكن توفر للمزارع الدفايات


    وبتبقي دفايه لكل 500 :700 كتكوت الدفايه قطرها حوالي 120 سم
    ولو هاتشتغل في موضوع الدفايات ده ممكن توفر عندك حوالي عشرين دفايه علي الاقل


    وطبعا عشان تظبط درجات الحرارة في العنابر محتاج يكون عندك الترمومترات
    ودي ترمومترات منه الصغير ومنها الكبير


    وبرده لازم توفر كلا انواع الترمومترات عشان بتنطلب منك


    كده استعرضنا معظم الحاجات اللي ممكن تنطلب منك من مستلزمات المزارع


    نتكلم دلوقتي عن المطهرات اللي لازم توفرها في معرضك ولازمه لشغل المزارع


    اولا الفورمالين وفيه منه عالي التركيز وفيه منه تركيز ضعيف


    طبعا انت تشتغل في عالي التركيز لان ده اللي بينطلب وفيه منه جراكن 4 لتر وفيه منه 25 لتر


    ولازم النوعين يكونوا متوفرين عندك
    وبالفورمالين بنطهر الارضيات والحوائط والاسقف كمان




    ثانيا اليود لازم لتطهير العنبر كامل وايضا السقايات والعلافات لازم تطهرها بيود بين الدورات وايضا بنطهر بيه خطوط المياه والخزانات


    ثالثا الفينيك او الفينول يستخدم ايضا في التطهير ويستخدم في مغاطس الاقدام امام باب المزرعه


    وفيه ناس بتحطه علي اليود ويرشوهم رشه واحده لكن انا لا احبذ الموضوع ده عشان مينفعش اكتر من نوع مطهر يتحط مع بعضه


    يبقي كده اساسي لازم توفر عندك فورمالين عالي التركيز وفينيك ويود


    فيه ايضا مطهرات كثيره ممكن توفرها وممكن متوفرهاش


    ذي الفيركون اس و ال تي اتش 4 والديكوك في ايه


    vircon S & TH4 Aldecoc va


    والكثير من المطهرات التي يدخل في تركيبها الجلوتالدهايد مع رباعي كلوريد الامونيم وهو الجيل الحديث من المطهرات


    ولو انت هاتشتغل علي واسع بقي ممكن توفر ايضا الجير المطفي او الجير الجي
    وتوفرلهم النشاره كمان واهو كله اكل عيش ياعم الحج


    ____________________________



    ندخل بقي علي الحديث علي الادوية والتعامل مع الشركات والمناديب والموزعين وخلافه



    you must be a*lert one hundred percent all the time


    لان الادوية بيكون فيها لعب كتير ونصب كتير وكل مندوب او كل موزع ممكن يموتك عشان ياخد الجنيه منك


    وممكن يديلك منتج بسعر حلو ويخيطك في انواع تانيه


    وبالتالي لازم قبل ماتاخد منه تكون سائل علي سعرالحاجات دي بره كام


    وياريت لما المندوب يجيلك متديلوش كل فلوسه مره واحده
    وحاول تبقي فوس للزياره الجايه


    انا بعمل معاهم كده عشان اكون سالت ع الاسعار واضمن انه هايجيلي تاني هع هع هع هع


    ندخل بقي في الحديث عن الادوية الموجوده ..


    هانتكلم عن الاصناف وبعض الشركات واكيد في كل مكان وفي كل محافظه فيه ملايين الانواع التانيه المستخدمه


    _________________


    اولا هانتكلم عن الفيتامينات المستخدمه في الدواجن


    اولا فيتامين أد3هــــ


    والشركات بتطلع نوعين منه ..
    واحد عالي التركيز غالبا بتكون التركيزات كالاتي



    فيتامين أ 100 مليون وحده دوليه


    فيتامين د 20 مليون وحده دوليه


    فيتامين هـ 20 مليون وحده دوليه




    ذي أديمين ADIMIN شركة افيكو


    وذي امكو ليكو فيت شركة امكو ميد


    ZAGRO AD3E وذي فيتامين زاجرو السنغافوري توكيل شركة اليسر في مصر


    وايضا فيتامين أد3هــ شركة لوهمان الالماني


    وذي فيتامين اسمه أدينال ده بتاع شركة هاي فارم وده تركيزه عالي جدا ومكتوب ان جرعته 1 سم لكل 8 لتر ماء


    وموجود ايضا فيتامين أد3هــ فرنساوي واسمه NUTRICET AD3E


    وايضا فيتامين أد3هــ شركة اجريفيت سائل وبودره


    وانواع كتيره جدااااا موجوده في مصر



    والنوع التاني الموجود من الفيتامين ده بيكون منخفض التركيز او بيسموه لايت


    LIGHT CONCENTRATION
    يعني تركيز بسيط


    وده ذي الابراسول شركة الابرار


    وذي أمكو ليكو فيت لايت شركة امكو ميد


    وفيتامين أد3هــ شركة جنرال فارما


    وانواع كتيره موجوده من النوع اللايت ده


    ___________--


    ثانيا فيتامين هــ سلنيوم


    وموجود عندي فيتامين هــ سلنيوم شركة افيكو الاردنيه وده رائع في استعماله


    وموجود ايضا زاجرو هـ سلنيوم ZAGRO ES


    وموجود هــ سلنيوم الالماني شركة لوهمان


    وموجود هــ سلنيوم بتاع غنام


    وموجود فيتامين هــسلنيوم الفرنساوي اسمه
    NUTRICET ES


    وموجود هــ سلنيوم بتاع اجريفيت


    ______________


    ثالثا فيتامين سي او فيتامين ج


    وبيستخدم في الاجهاد الحراري وايضا كرافع مناعه


    وموجود منه شركة اجريفيت


    شركة EVC اتحاد بيطريين مصر


    وموجود شركة جنرال فارما وده عباره عن فيتامين سي وسالسليك اسيد


    ولو انت عرفت توفر المنتوفين او اي بديل ليه يبقي انت شخص كفائه


    وكل شركة موجوده متخصصه في الفيتامينات واضافات الاعلاف بتنزل فيتامين سي


    ______________________



    رابعا فيتامين ك 3


    وبيستخدم في حالات الاجهاد الحراري وكموقف للنزيف في حالات الكوكسيديا والسموم والكلوستريديا


    موجود شركة هيرو فيت


    وشركة اجريفيت اللي اسمه ميناديونا فيت 20 % بودره


    وفيه سيناديون 20 % سائل


    و فيه فيتامين ك 3 شركة كيروسا فيت


    و فيتامين ك 3 شركة امكو ميد


    وانواع تانيه كتيره متوفره ايضا


    _____________


    خامسا فيتامين ب المركب


    وده متوفر منه فيتامين ب الفرنساوي


    واسمه NUTRICET B


    وموجود منه عندي فيتامين ب مركب + ك3 + كولين


    والكولين هنا مهم جداااا في حالات انزلاق الوتر SLIPPED TENDON


    ونصيحه متستخدموش في الاعمارالكبيره عشان الكولين بيكسر الدهون




    ومتوفر ايضا عبوات فيها مجموعات فيتامينات واحماض امينيه مع بعض قمة الروعه تستخدم في الاعمار الصغيره خالص والكبيره ايضا لرفع كفائة التحويل الغذائي


    ذي ال SUPER VIT بتاع شركة افيكو


    وذي الامينو بلس شركة امكو ميد


    وذي الزايموستين شركة هاي فارم



    وهناك شركات بتنزل أحماض امينيه لوحدها وانزيمات لوحدها لرفع كفائه الهضم والتحويل واقصي استفاده من العلف قبل هضمه واخراجه مع الزرق
    _________________________



    ندخل دلوقتي في الحديث عن


    مضادات السموم الفطريه


    واللي لازم توفرها عندك باستمرار سواء للمزارع او للتربيه المنزليه


    لان معظم البط والاوز والارانب وكل حاجه مصابه بالسموم الفطرية بسبب العك اللي الناس بتعمله والفطريات الموجوده في العلف واللي بتفرز سمومها باستمرار



    ومن اهم مضادات السموم الموجوده واللي ممكن توفر بعضها او احدها عندك في المعرض



    MC PLUS


    SINAR TOX قوي جدا


    INER TOX


    DE TOX


    TOP 2X


    TOXNIL PLUS قوي جدا


    TRIAVOL ايطالي استيراد شركة غنام


    وايضا متوفر الكثير من الانواع السائل واضافات الاعلاف ايضا


    _______________



    ودلوقتي نتكلم عن المضادات الحيوية اللي لازم توفرها في معرضك



    اولا الكولستين تركيز 600 مليون وحده دولية


    كولستين النهيسي واسمه موراكول
    وكولستين فيتو فارم واسمي كولستين جي ار


    وكولستين المهن


    وكولستين النصر


    و اورجانو كولستين شركة اورجانو


    كولستين افيكو منتج محترم


    _________


    ثانيا النيومايسين


    نيومايسين النصر


    نيومايسين ابو النجا


    نيومايسين أكما شركة غنام


    نيوسين فارما سويد


    _________________


    ثالثا الاوكسي تيتراسيكلين


    اوكسي فايزر 20 % وهو منتج رائع جداااااا


    اوكسي فيت شركة فارما سويد


    اوكسي نير شركة بيونير فارما لصالح الشركة العربيه الجيلاتينيه


    اوكسي 20 % شركة فيتو فارما توزيع جنرال فارما


    واوكسي تيتراسيكلين 20 % بتاع شركة ادويــا


    __________________


    رابعا الاريثرومايسين


    وده بقي مضاد حيوي واخد شهره ع الفاضي لكنه منتج فكسان ع الاخر


    ومفيش ولا اريثرو مصري بيجيب نتيجه عشان متضيعش وقتك معاه



    يعني لو مزرعه مصابه بميكوبلازما او سي ار دي انصحك بلاش تستعمل اي اريثرو مصري


    ولكن عليك بالاريثرو الايطالي اللي هاذكره لاحقا


    الاريثرومايسين 20 % شركة المهن


    اريثرومايسين النصر منتج محترم الي حد ما


    اريثرومايسين اكما توزيع غنام


    اريثرومايسين شركة راميدا وده لا تعليق عليه لانه لا يعطي نتيجه في اي حاله ومع اي جرعه حتي لو حطيت العلبه كلها في الميه مره واحده مش هايجيب نتيجه برده


    اريثروفيت شركة فارما سويد


    اريثرومايسين ثايوسيانات شركة ادويا


    وكل المنتجات السابقه بتكون
    اريثرومايسين ثيوسيانات 20 % تركيز


    واجمل اريثرو بقي هو الاريثرومايسين الايطالي
    وتركيزة 15 % بس


    ولكنه اقوي شئ للامراض التنفسيه بكافه انواعها
    واسمه بالايطالي


    ERITROMYCINA 15 %


    بيسموه في مصر اريثرو سما الايطالي
    وهو انتاج شركة دوكسال الايطاليه والوكيل في مصر شركة دلتا بيو فارما


    وسعر الكيلو منه حوالي من 215 الي 220 جنيه



    وهناك منتج روعه جربته يحتوي علي الكولستين مع الاريثرومايسين انتاج شركة اكما توكيل غنام اسمه اكما مايسين ولكنه ناقص اليومين دول




    ندخل علي الانروفلوكساسين وتركيزه 10 % ولازم توفر عندك انرو شرب وانرو حقن كمان


    انرو شرب ذي الافريل شركة افيكو


    وذي الانروكس شركة يونيفارما شركة الابرار


    وذي الافيتريل شركة فارماسويد


    وانرو النصر شرب كويس برده وبينطلب


    وانرو دلتا فارما


    وانرو حقن بتاع النصر وبتاع اسكندرية وافيتريل حقن شركة افيكو





    نتكلم دلوقتي عن الدوكسي سيكلين



    وفيه دوكسي فيت شركة جلوري فيت


    و دوكسين فارما سويد
    وفيه باكتكلين عباره عن دوكسي 20 % شركة افيكو الاردنيه


    وفيه دوكسي سيكلين سائل انتاج شركة هيبرا الاسبانيه قمة الروعه


    ودلوقتي بقي معظم المنتجات تحتوي علي الدوكسي سيكلين مع الكولستين


    ذي دوكسيستين أفيكو


    و كولي دوكسين فارما سويد


    و داد كولي دوكس شركة داد الاردنية


    ودي منتجات محترمه شغاله معوي وتنفسي بكفائه
    ____________



    ونتكلم دلوقتي عن التايلوزين


    فيه منه بودره للشرب ومنه حقن


    من اجمل انواع التيلوزين في مصر تايلوزين الابرار واسمه تايلو فورت
    وتايلوزين فارما سويد اسمه تيلو فيت


    وتايلوزين ادويا


    وجميع شركات ومكاتب الادوية بتطلع التايلوزين



    وفيه ادوية بتحتوي علي التايلوزين مع الدوكسي سيكلين ذي
    التيلودوكسين بتاع شركة ايجبكو فارما


    وده بيدي نتائج رائعه في الامراض التنفسية




    ونتكلم عن الاموكسيسيلين


    ومتوفر منه تركيزات .... كان كله تركيز 20 % لكن دلوقتي


    الشركات بقت تنزل اموكسي 50 % وده سعره غالي شوية بس نتائجه روعه في الكولستريديا والامراض التنفسية ايضا


    فيه اموكسي المهن
    و فيه أموكسي جي آر شركة فيتو فارم


    وفيه الوحش الكاااااسر
    اللي اسمه كلاموكسيل وده اموكسي فايزر وده تركيزه 50 % وهو علبه محتواها 98 جرام فقط يكفي لعلاج 2500 كيلو وزن حي



    ونتكلم عن الامبسلين


    وهو ايضا لازم يكون متوفر عندك عشان الكولستريديا وبعض الامراض التنفسيه


    فيه امبسلين المهن ونتائجه مرضيه الي حد ما


    وفيه الامبسلين الالماني بتاع شركة بريمير ودي شركة غنيه عن التعريف وسعر النص كيلو منه حوالي 265 جنيه


    والشركات برده دلوقتي بتطلع امبسلين مع كولستين في منتجات كتيره اشهرهم الامبستين بتاع شركة داد فيت الاردنيه


    وده نتائجه جميله برده والنص كيلو منه بيعمل حوالي 220 جنيه




    ولازم برده يكون متوفر عندك الريفامايسين لعلاج الكولستريديا


    والاسهالات الخضراء والصفراء والبنيه وخليط الاسهال اللي بيظهر في اخر ايام دورات التسمين


    والريفامايسين اللي عندي بتاع شركة أكما وذي ماقلنا ان اكما مع شركة غنام


    وفيه منتج اسمه ايزونازيد
    izonazide
    عباره عن ريفامايسين + ايزونازيد
    ويعتبر من اقوي علاجات الكلوستريديا


    ___________________


    ونتكلم دلوقتي عن اللينكو مايسين والاسبكتينو مايسين
    ودول مهمين جدا في علاج الامراض التنفسيه والميكوبلازما وال سي ار دي


    ودلوقتي بقوا الاثنين في منتج واحد


    ذي اللينكو سبكتين شركة فايزر


    و يوني سبكتال شركة يوني فارما توزيع الابرار


    وذي السبكتينو لينك شركة ارابكو ميد


    و لينكو سبكت شركة فارما سويد


    وفيه سبكتام
    ده عباره عن سبكيتنومايسين لوحدهلوحده


    وفيه لينكومايسين لوحده ايضا


    ودول بيستخدموا في الحقنه اللي بتحقن عشان الميكوبلازما مع الجنتا مايسين والاستربتو مايسين والسيفوتاكس او السيفوميد




    واللينكو مايسين حلو جدا في التحويل وبيخلي الفراخ تحول بسرعه تحويل عالي جدا وعشان كده متوفرمنتج اضافات اعلاف اسمه لينكو فييد شركة دلتا فيت حامد البنا





    بما اننا ذكرنا الحقنه يبقي لازم يكون متوفر عندك
    الجنتامايسين سلفات
    العادي بتاع الجيوانات الكبيره


    ذي جنتا النصر وجنتا الاسكندرية وجنتا كيور بتاع فارما سويد


    ولازم يتوفر عندك السيفوتاكسيم صوديوم
    ذي السيفوميد شركة اليسر من انتاج شركة فاركو بتاع الادوية البشري


    وده عباره عن 5 جرام سيفوتاكسيم صوديوم ذي ماقلنا


    او تشتغل بالسيفوتاكس البشري


    بس عشان تحصل علي 5 جرام


    يبقي هاتستعمل 5 امبولات بشري سعر الامبوله 12 جنيه يعني 60 جنيه وده تقريبا ضعف سعر السيفوميد



    ونكمل ادوية الحقنه بعد ماتكلمنا عن اللينكوسبكتين والجنتامايسين والسيفوتاكسيم صوديوم


    هانتكلم عن الاستربتومايسين وهو طبعا جرام سالب ومضاد حيوي قوي جدا في الدواجن


    ومتوفر منه استربتومايسين غنام شركة اكما
    واستربتومايسين المهن
    واستربتو النصر
    وغيرهم
    لكن افضلهم الغنام طبعا



    وفيه تركيبات مضادات حيوية مع بعضها كتير جدااا


    ذي ماقلنا التايلودوكسين


    والاكما مايسين


    والامبستين


    وفيه منتج اردني انتاج شركة داد فيت
    اسمه داد كولي دوكس


    عباره عن كولستين سلفات و دوكسي سيكلين
    ونتائجه محترمه في الميكوبلازما وبستخدمه في التحضين رائع جدا


    ______________


    دي غالبا معظم المضادات الحيوية اللي المفروض توفرها عندك عشان شغل الدواجن


    وخلي بالك بقول معظمها مش كلها


    لان فيه ملايين المنتجات التانيه الموجوده في منطقة وملايين الشركات حاليا في مصر .. ولنا الله


    _____________________________


    ننتقل للحديث عن مضادات الكوكسيديا
    المتوفره عندنا واللي المفروض توفر ذيها او اكثر منها طبعا



    طبعا السلفات لازم تتوفر عندك


    السلفاديميدين وافضلهم طبعا بتاع اكما غنام
    وفيه بتاع النصر كويسه الي حد ما


    والسلفا كينوكسالين اكما غنام


    وسلفاكينوكزالين النصر


    وسلفا كوك شركة راميدا احيانا تعطي نتائج مرضيه



    ونتكلم عن الامبرول واللي منتشر كان تركيزة 20 % قاعده


    لكن دلوقتي بقي فيه 25 % وكمان 40 % موجود


    ومتوفر امبرول سائل وامبرول بودره وده بينطلب وده بينطلب



    ولعلاج الكوكسيديا ايضا هناك اليوسي برول شركة امون عباره عن امبرول 20 % لكنه قوي جدا


    وهناك ايضا ال يوسي كوكس شركة امون سلفاديميدين و دايفيردين


    وهناك اليو كوكس سلفا كينوكزالين ودايفيردين


    وهناك ايجي كوكس شركة ايجبكو فارما قوي جدا


    وفيه سلفاكوكس منتج محترم ايضا


    ودي كلها مجموعات سلفات



    ننتقل الي التولتازيرول 2.5 % وهو ظهر منذ عده سنوات ولكنه اثبت كفائه كبيره جدااااا



    موجود في مصر التول كوكس TOLCOX شركة امون عباره عن تولتازيرول 2.5% ويستخدم علي يومين ليعطي افضل النتائج



    وحديثا ظهر الديكلازوريل
    وهو احدث من التولتازوريل


    ومتوفر عندي حاليا ديكلوسول فارما سويد هو غالي شوية لكنه فعال وقوي جدا


    وفيه ديكلازوريل شركة دلتا فيت بتاع حامد البنا بس مش متذكر اسم المنتج ايه بالظبط



    ودي اغلب مضادات الكوكسيديا الموجوده والمحترمه في شغلها



    ____________________________


    نتكلم عن مدرات البول وغسيل الكبد والكلي


    دي بتبقي عباره عن مجموعه املاح وفيتامينات


    ومجموعه فيتامين ب المركب وشوية كلوريد الامونيوم وكلوريد ماغنسيوم وسلفات صوديوم وسلفات ماغنسيوم وسوريبيتول



    ومتوفر عندي منتج اسمه لازيكس ولكنه قوي جدا ..قوي لدرجه انه ممكن يضر الفراخ لو جرعته زادت عن 3 ايام


    ويتوفر من امثلة مدرات البول وغسيل الكبد والكلي ما يلي


    HEPARENOL


    SOLURENAL


    NEPHROL


    GUMBOZAL


    DIURETIC


    HEXAMINE


    POTASSIUM CITRATE


    VIGOSINE


    HEPABIAL


    ZAGRODURE سنغافوري استيراد شركة اليسر وهو منتج
    محترم ايضا


    URICAL


    _______________________



    نتكلم دلوقتي عن التحصينات اللي لازم توفرها عندك


    وشركات التحصينات


    فيه تحصينات
    شركة الدولية و شركة انتر فيت
    وفيه تحصينات غنام وهي استيراد شركة هيبرا الاسبانيه
    وفيه تحصنيات ايزو


    وطبعا العملاقه شركة الميري بتحصيناتها القويه جدا احيانا بنجيبها لما بنعرف نحصل عليها



    انا عندي بتعامل مع هيبرا شركة غنام


    لانها بتطلع كل انواع التحصينات للدواجن والارانب والبط وكل شئ


    لازم توفر عندك الاتي


    HITCHNER B1
    تحصين الهيتشنر


    HITCHNER B1 and IB H120
    ده هيتشنر اي بي سعره ضعف الهيتشنر بس


    GUMBORO
    تحصين الجامبورو
    وفيه منه عادي وفيه منه عالي التركيز


    LASOTA
    تحصين اللازوتا


    LASOTA IB H120
    تحصين اللازوتا مع الاي بي


    COLON
    تحصين الكولون


    COLON IB H120
    تحصين الكولون اي بي


    IB H120
    دي تحصين الاي بي لوحده بيتحصن عمر يوم رش وعمر عشرين يوم ايضا في المزارع المصابه بالاي بي فقط


    ولا يحصن في المزارع الخاليه من المرض لانه تحصين حي كافي لادخال المرض للمزرعه


    دي معظم التحصينات اللي لازم توفرها لمزارع التسمين


    ولكن هناك تحصينات تانيه كتيره لكن نادر استخدامها في المزارع


    ذي لقاح النيوكاستل الميت مع الانفلونزا انتاج شركة الدولية بيتحصن عمر عشره ايام


    وهناك القاح الزيتي الميت بتاع النيوكاستل
    وبيتحقن بجرعه 0.5 سم او 0.2 سم او 0.3 سم حسب نوعه
    وفيه منه انواع كالاتي :


    ND BROILER 200


    بيتحقن بجرعه 0.2 مل في العضل او تحت الجلد


    IMO PEST 300 ML


    بيتحقن بجرعه 0.3 مل تحت الجلد او في العضل


    PHYLAPEST 500 ML


    بيتحقن بجرعه نص سم للطائر في العضل او تحت الجلد


    ده كان اللقاح الزيتي الميت ممكن توفره عشان المزارع بتحتاجه للنيوكاستل




    وفيه لقاح زيتي ميت ثنائي بيبقي عباره عن لقاح نيوكاستل مع لقاح جامبورو


    GUMPOPEST


    بيتحقن بجرعه 0.3 مل للطائر


    G + ND


    بيتحقن بجرعه نص سم للطائر


    و للامانه العلميه عشان تبقي معلومه النيوكاستل كامله هاقول كمان ان فيه


    لقاح ثلاثي زيتي ميت ضد النيوكاستل والجامبورو والاي بي
    ولكن استخدامه يعتبر نادر جدا في المزارع



    دي اغلب تحصينات مزارع التسمين


    وعشان التحصينات وفر عندك الايزولاك او اي بديل له
    او لبن بودره او لبن سائل منزوع الدسم


    بيضاف الايزولاك للتحصين بجرعه 2 جرام لكل لتر ماء
    ولو لبن بودره يبقي 5 جرام لكل لتر ماء


    ولو لبن سائل منزوع الدسم يبقي يبقي من 5 الي 7 سم علي اللتر


    ده بيساعد علي انتشار جزيئات التحصين في الماء وبيحمي التحصين اكتر وقت ممكن


    ________________



    ولو حضرتك في بلد فيها مزارع بياض
    هاتضطر تجيب تحصينات البياض بقي




    ذي تحصينات الجدري وتحصينات الماريكس وتحصينات الانفلونزا وتحصين انيميا الدواجن المعديه وتحصين التهاب الحنجره والقصبه الهوائية



    ولو حضرتك في بلد فيها ارانب كتير
    لازم توفرلهم لقاح التسمم الدموي الفيروسي
    وعندي برده بتاع شركة هيبرا الاسباني


    والتسمم الدموي البكتيري المصري موجود ويكفي


    ولو حضرتك في بلد فيها حمام وناس متريشه عندهم ابراج حمام
    ممكن توفرلهم لقاحات الباراميكسو عشان بتنطلب برده


    ---------------------------------



    نتكلم دلوقتي عن بعض اضافات الاعلاف والانزيمات والفيتامينات والخمائر والاحماض الامينيه



    لازم توفر عندك اي منتجات فيها امينو اسيد وانزيمات


    ذي منتج محترم اوي اسمه فيتا امينو لايت بلص
    VITAMINOLYTE PLUS


    والزيموستين انزيمات هضم واحماض امينيه منتج رائع وكفائه


    الغرض من ذكر الانزيمات والاحماض الامينيه انها بتنطلب منك وع الاقل وفر منها نوع او نوعين


    وايضا ممكن توفر بريمكسات التسمين وبريمكسات البياض ايضا لانها مهمه جدا في مزارع الدجاج الامهات



    _______________________



    كده ذكرنا معظم انواع الادوية والتحصينات اللي المفروض حضرتك توفرها


    مع اختلاف الشركات طبعا واختلاف المنتجات بس دول لابديل عنهم في مزارع الدواجن



    ونصيحه اخوية اختار الشركة اللي تنزل منها الدواء بتاعك
    يعني هايجيلك وقت تلاقي مناديب كده داخله عليك متعرفش جايبه الدوا ده منين


    شوية ادوية تحس انهم مصنوعين في كفر النعجاوي .. وادوية لم ينزل الله بها من سلطان


    وفيه شركات خد منها ادوية وانت متطمن
    من غير حتي ماتبص للمنتج بس كفايه اسم الشركه


    ذي شركة الميري ودي غنيه عن التعريف


    وشركة اورجانو محترمه ايضا


    وبعض منتجات فايزر ذي اللينكوسبكتين قوي جدا


    وذي الكلاموكسيل فايزر قوي ورائع


    ولكن النيوتيراميسين فايزر ده طلع افتكاسه من افتكاسات
    الحج فايزر ومنتج تعبان جداااا


    وانا عن نفسي هنا بفضل الجنتاموكس والريفاموكس واللازيكس والميناتوكس



    ونقطه مهمه ايضا في التعامل مع الناس
    حاول متشتغلش اجل بقدر الامكان


    ولو هاتشتغل اجل يبقي تمضيهم علي شيكات علي بياض وعلي وصولات وكل حاجه


    وخد حقك تالت ومتلت




    دي كانت نبذه بسيطه عن الخطوط العريضه في معرض الدواجن



    وياريت يكون فيه تفاعل من الاعضاء
    واللي عنده منتجات وشركات وادوية جديده يعرفنا بيها
    والموضوع منقول للامانة وذلك لاهميتة






    wd]gdm hd[n tdj hgfd'vdm gg],h[k ,hg'd,v ,l.hvu hg],h[k


    03-04-2012 01:33 صباحا
    مشاهدة مشاركة منفردة [1]
    د/ على عبدالرحمن
    المشرف العام
    معلومات الكاتب ▼
    تاريخ الإنضمام : 28-12-2011
    رقم العضوية : 1
    المشاركات : 1448
    الدولة : Egypt
    الجنس : ذكر
    قوة السمعة : 111
    موقعي : زيارة موقعي
     offline 
    look/images/icons/i1.gif صيدلية ايجى فيت البيطرية للدواجن والطيور ومزارع الدواجن
    شكرااااااا على المجهود الرائع والافادة
    توقيع :د/ على عبدالرحمن
    23231542_829527820563583_5344754448078540275_n


    03-04-2012 01:51 صباحا
    مشاهدة مشاركة منفردة [2]
    EMY
    عضو
    rating
    معلومات الكاتب ▼
    تاريخ الإنضمام : 31-01-2012
    رقم العضوية : 98
    المشاركات : 157
    الجنس : ذكر
    قوة السمعة : 30
     offline 
    look/images/icons/i1.gif صيدلية ايجى فيت البيطرية للدواجن والطيور ومزارع الدواجن
    Thanxxxxxxxxxxxxxxxxxxxxx

    14-05-2012 04:31 مساء
    مشاهدة مشاركة منفردة [3]
    د. محمد نجاح النشار
    عضو
    معلومات الكاتب ▼
    تاريخ الإنضمام : 06-05-2012
    رقم العضوية : 321
    المشاركات : 1
    الجنس : ذكر
    قوة السمعة : 10
     offline 
    look/images/icons/i1.gif صيدلية ايجى فيت البيطرية للدواجن والطيور ومزارع الدواجن
    السلام عليكم
    بارك الله فيك يا د. عمرو علي الموضوع الرائع ده
    لو سمحت عندي شوية استفسارات
    اولا : ياريت حضرتك تقولنا ممكن نجيب منتج شركة ايه في كل نوع من الانواع اللي حضرتك ذكرتها ،،، يعني مثلا في الوكسي نجيب منتج شركة ايه افضل وهكذا مع كل نوع
    ثانيا : ايه راي حضرتك في منتجات شركة غنام
    ثالثا : ياريت اسعار الادوية دي من الشركة كام وسعرها للجمهور بيبقي كام
    رابعا : لو انا عاوز اجيب اعلاف معايا لما اجي افتح الصيدلية :: ايه الاعلاف المطلوبة للدواجن اللي ممكن اوفرها

    اسف للاطالة

    15-01-2013 05:17 مساء
    مشاهدة مشاركة منفردة [4]
    د/ على عبدالرحمن
    المشرف العام
    معلومات الكاتب ▼
    تاريخ الإنضمام : 28-12-2011
    رقم العضوية : 1
    المشاركات : 1448
    الدولة : Egypt
    الجنس : ذكر
    قوة السمعة : 111
    موقعي : زيارة موقعي
     offline 
    look/images/icons/i1.gif صيدلية ايجى فيت البيطرية للدواجن والطيور ومزارع الدواجن
    شكرا على المجهود ويعتمد المشرف على مزارع الدواجن فى المقام الاول على الوقاية وليس العلاج ومعرفة الامراض المنتشرة حوله وانتظام التحصينات واتباع الطرق السليمة فى وضعها حتى يستفيد من التحصين على الوجة الاكمل سواء حقن او تقطير او بماء الشرب ونوع العترة المستخدمة
    وكذلك الاهتمام بالتهوية لتجنب الامراض التنفسية ولجودة اللحم
    والاهتمام بالامن والامان الحيوى قدر الامكان
    التعامل بيكون بالخبرة وبالموجود على ارض الواقع وحسب احتياج الكتكوت وعمل سجلات ودا شى ضرورى ومقارنتها بالاوزان والنمو الوارد بكتيب الكتكوت اللى انت بترعاه سواء كب او روص و هبرد او خلافة واحتياجاته من العلف
    كل اللى فات عناصر ممكن نتكلم تحتها كلام كتير بس دا الخلاصة
    توقيع :د/ على عبدالرحمن
    23231542_829527820563583_5344754448078540275_n


    07-10-2013 12:32 صباحا
    مشاهدة مشاركة منفردة [5]
    د/ على عبدالرحمن
    المشرف العام
    معلومات الكاتب ▼
    تاريخ الإنضمام : 28-12-2011
    رقم العضوية : 1
    المشاركات : 1448
    الدولة : Egypt
    الجنس : ذكر
    قوة السمعة : 111
    موقعي : زيارة موقعي
     offline 
    look/images/icons/i1.gif صيدلية ايجى فيت البيطرية للدواجن والطيور ومزارع الدواجن
    اكتر من4400 مشاهدة واربع رددود بس
    توقيع :د/ على عبدالرحمن
    23231542_829527820563583_5344754448078540275_n




    المواضيع المتشابهه
    عنوان الموضوع الكاتب الردود الزوار آخر رد
    تدريب صيفى بعيادة ايجى فيت البيطرية د/ على عبدالرحمن
    0 2500 د/ على عبدالرحمن
    ايجى فيت عيادة بيطرية مدينة نصر القاهرة​ EGY VET CLINIC​ د/ على عبدالرحمن
    0 1551 د/ على عبدالرحمن
    عيادة بيطرية - ايجى فيت -egy vet clinic د/ على عبدالرحمن
    0 2817 د/ على عبدالرحمن
    صيدلية ايجى فيت لعلاج الكلاب د/ على عبدالرحمن
    11 29933 د/ على عبدالرحمن
    ايجى فيت للا ستشارات البيطرية د/ على عبدالرحمن
    1 3553 د/ على عبدالرحمن

    الكلمات الدلالية
    لا يوجد كلمات دلالية ..


     









    الساعة الآن 07:26 مساء