•  الرئيسية
  •  المنتدى
  •  المتجر
  •  خدماتنا
  •  تواصل معنا



  • أهلا وسهلا بك زائرنا الكريم في منتدى ايجي فيت البيطري، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .






    21-03-2012 10:33 مساء
    كلمات اغنية ست الحبايب

    ست الحبايب ياحبيبه يااغلى من روحي ودمي

    ياحنينة وكلك طيبة يارب يخليكي يا أمي

    زمان سهرتي وتعبتي وشلتي من عمري ليالي

    ولسه برضه دلوقتي بتحملي الهم بدالي

    انام وتسهري وتباتي تفكري

    وتصحي من الآدان وتيجي تشقري

    تعيشي لي ياحبيبتي يا أمي ويدوم لي رضاكي

    أنا روحي من روحك انت وعايشه من سر دعاكي

    بتحسي بفرحتي قبل الهنا بسنة

    وتحسي بشكوتي من قبل ماأحس أنا

    يارب يخليكي ياأمي يارب يخليكي ياأمي

    لو عشت طول عمري أوفي جمايلك الغاليه علي

    أجيب منين عمر يكفي وألاقي فين أغلى هدية

    نور عيني ومهجتي وحياتي ودنيتي

    لو ترضي تقبليهم دول هما هديتي

    يارب يخليكي ياأمي ست الحبايب ياحبيبة


    icon
    دعوة حلوة منك و ايديكي فى السما ... يسمع ربي منك وينورلي أناياااااااااا[/b]





    كلمات اغنية احمد مكي اغنية شكراً يا ماما


    ياااااااااا أمــــــي
    حنان ملوش حدود ... أعظم انسانه فى الوجود
    ماما
    مهما هـاحكي اللى فـ قلبي واللى نفسي أقوله ليكي
    مش هـايطلع حتى نقطه فـ بحر احساسي بيكي
    كان حلمك تبقي سعيدة مع زوج حنون عليكي
    تبنوا حياة جديدة ...و ولادك حواليكي
    ويدوب حققتي حلمك جه وهد البيت عليكي
    فجأة راح سابك وحيدة ساب ولادك حتى بيكي
    سابك محتارة وحزينة و الولاد ماسكين ايديكي
    وبقى عندك الاختيار بيت جديد وفرصة تانية
    أو تعيشي عمرك وحيدة مع ولادك الصغار
    مسئولية صعبة جدا كنتي قد الاختبار
    قولتي هختار ولادي ولو هربيهم فـ نار
    مـ النهاردة دول حياتي مش هسيبهم مهما صار
    اللى قالك ليه تضحي واللى قالك ده انتحار
    واللى قالك بكرة تيجي تندبي سوء الاختيار
    الولاد دول كانوا احنا أنا واخواتي الكبار
    قدرتي تعدي بينا وتربينا وده انتصار
    وجاي أقولك بـ ابتسامة من قلبي
    شكراً يا ماما ... شكراً يا ماما
    ياااااااااا
    أمــــــي
    دعوة حلوة منك و ايديكي فى السما ... يسمع ربي منك وينورلي أنا
    شكراً يا ماما
    دعوة حلوة منك و ايديكي فى السما ... يسمع ربي منك وينورلي أنا
    كان فيه أوقات كتير الظروف كانت واقفة ضدك
    كنتي بتخبي علينا وتدخلي تبكي لوحدك
    و أما يدخل حد فينا بتضحكي وتداري دمعك
    بس كنت ببقى عارف مرة بالصدفة سمعتك
    وقتها أنا رحت حالف بـ اللى خلقك وبـ غلاوتك
    ان ما هـاتغفل عيوني الا لو فرحت قلبك
    و ييجي اليوم اللى تكوني فيه فخورة ان أنا ابنك
    لما بشوفك وانتي قاعدة بفضل أراقبك من سكات
    و ألقى نفسي بقول لـنفسي بحب فيكي كتير حاجات
    لما بتحكي يوم ولادتي يوم ماخدتيني فـ ايديكي
    رحتي حضناني بـمحبه كل تعبة راح عليكي
    قومتي بصالي فـ عينيا قلتي يومها سألتي نفسك
    انت ايه وهـاتبقى مين يارب يـطهرلي قلبك
    كنت بهرب من ايديكي وياما بتدلع عليكي
    ولما أحس بخوف وغربة بجري وأستخبى فيكي
    ولو ف يوم حسيت تعب جوا حضنك تحتويني
    و بصوت حنون ودافي تدعي الرحمن يشفيني
    ولما بنكسر أو أفشل والأمل بيبقى فاني
    بتقوليلي قوم وكمل قوم وحاول مرة تاني
    طول ما فيك الروح يا ابني قوم وحقق الأماني
    ثق فـ ربك ثق فـ نفسك قوم عشانك قوم عشاني
    بسببك انتي بقيت بقدر طبعا ده انتي ست قيمه
    لأني طول مانا كنت بكبر شايفك انتى ازاى عظيمه
    ده أنا مهما كبرت هـاجي و أوطي على رجلك وأبوسها
    ده انتي امي وانتي عمري وكل حاجة حلوة حاسسها

    [size=21]من كل قلبي

    شكراً يا ماما

    أمــــــي

    دعوة حلوة منك و ايديكي فى السما ... يسمع ربي منك وينورلي أنا

    شكراً ياماما

    دعوة حلوة منك و ايديكي فى السما ... يسمع ربي منك وينورلي أنا

    دعوة حلوة منك و ايديكي فى السما ... يسمع ربي منك وينورلي أنا

    دعوة حلوة منك و ايديكي فى السما ... يسمع ربي منك وينورلي أناااااا




    عيد الام

    كل سنة وأنتي طيبة يا مامتي و بعودة الأيام
    تفرحـي و تتهنـي و فـي عيـدك نغنـي
    و نضرب لك سلام
    ..(ورده)



    يـا حبايبي يا حلوين يا حبايبي يـا طعمين

    كـل سنة و أنتم دايما طيبين وفي صحـة

    وسعـادة و يـخـليلكـوا ... بابا

    علـى طـول السنين



    ..(الأطفـال)



    كل سنة وأنتي طيبة يا مامتي وبعودة الأيام

    تفـرحـي وتتهني وفي عيدك نغنـــي

    و نضـرب لـك سـلام



    ..(ورده)



    بادعي لكم طول السنين تسعدوا يا طعمين

    وأشـــوفكم عرايس وأشوفكم ناجحين

    و تدعوا لبابـــا يخليلكو بــابـــا

    علـــى طـــول السنيـــــن



    ..(الأطفـال)



    كل سنة وأتي طيبة يا مامتـي وبعودة الأيام

    تفرحـــي وتتهني وفي عيـدك نغنــي

    ونـضـرب لـك سـلام





    احن قلب


    احن قلب في الدنيا قلبك
    انتي يا امي
    واغلى حب في الدنيا حبك
    انتي يا امي
    ربيتي اختي كبرتي اخويا
    تعيشي ليا انتي وابويا
    انتي يا امي انتي يا امي

    حبك يا امي يجري في دمي
    وكل غالي يرخص عشانك
    سهرتي جنبي وشلتي همي
    وكل ما اكبر يكبر حنانك
    وتسعديني دايما في قربك
    انتي يا امي انتي يا امي

    ربيتي اختي كبرتي اخويا
    تعيشي ليا انتي وابويا
    انتي يا امي انتي يا امي

    انا اسمي غنوة على شفايفك
    وانتي اسمي في قلبي غنوة
    وكل لحظه بيبان لي عطفك
    في كلمه حلوة ودعوة حلوة
    والدعوة منك يسمعها ربك
    انتي يا امي انتي يا امي

    احن قلب في الدنيا قلبك انتي يا امي
    واغلى حب في الدنيا حبك انتي يا امي
    ربيتي اختي كبرتي اخويا
    تعيشي ليا انتي وابويا
    انتي يا امي انتي يا امي



    شادية (( ماما يا حلوة)) ماما يا حلوة



    ماما ياحلوة يا أجمل غنوة

    عايشة في قلبي وجوه كياني

    غالية عليه وضي عنيه

    يا أول كلمة نطقها لساني

    ماما يا ماما

    ***

    إنتي ياماما ملاك من الجنة

    تحت جناحك اعيش وأتهنى

    إنتي حياتي وإبتساماتي

    إنتي منايا وكل هنايا

    مين رباني مين

    ومين هناني مين

    غيرك إنتي يا حلوة ياماما

    ماما ياماما

    ***

    لما أضمك وتضميني

    تبقى الدنيا مش سايعاني

    ويزيد شوقي وألقى حنيني

    بيخليني أضمك تاني

    مين رباني مين

    ومين هناني مين

    غيرك إنتي يا حلوة ياماما

    ماما ياماما

    ***

    مهما الف الدنيا يوماتي

    ما ألقاش زيك في الدنيا دي

    أسعد لحظة في كل حياتي

    لما ألاقيك يا ماما قصادي

    مين رباني مين

    ومين هناني مين

    غيرك إنتي يا حلوة ياماما

    ماما ياماما





    صباح الخير يا مولاتي

    صباح الخير يا مولاتي

    يا ماما ... يا أما ... يا أماتي
    سلاماتي ... احتراماتي ... قبلاتي
    صباح الخير يا مولاتي
    يا ماما ... يا أما ... يا أماتي
    أبوس الأيد ... وقلبي سعيد
    يا أول حب في حياتي
    يا أمي

    علشانك النهارده
    الدنيا كارت معايده
    ملا الربيع أركانها
    بمليون ألف ورده
    والكون بقى جوه بيتك
    وأنا قبل الكل جيتك
    ياللي أنا وأنتي حاجة واحده
    تحبيني وأنا أحبك
    وأعيش بالقرب من قلبك
    عيوني معجبة بيكي
    وروحي كلها تجاوبك
    تفضل تقول لك وتقول لك
    دايماً وأبداً أقول لك
    صباح الخير يا مولاتي

    باغني للأمومه
    واليد الخدومه
    وأقول الله يا أمي
    ع الدفء والنعومه
    يا ست يا فدائيه
    ياللي قضيتها هي
    تجعل حياتي جنه
    ولو تبات مهمومه
    تعبتي كثير عشان خاطري
    عشان أمشي ... عشان أجري
    لما جريت بعيد خالص
    في عيدك جيت ووفيت نذري
    أضمك بفرحة وأقول
    صباح الخير يا مولاتي

    ما أنساش الإبتسامه
    ومش حانسى يا ماما
    الشخطه اللي تعلم
    وما تهينش الكرامه
    علمتيني المعاني
    والصبر ع الأماني
    والضحك والأغاني
    وبكتيني يا ماما
    باجيكي وأهنيكي
    وأقول يا رب يحميكي
    كل ما أشوف أمل وحياه
    أشوف صورتك وأناديكي
    يا ماما ... يا أما ... يا أماتي
    صباح الخير يا مولاتي




    flkhsfm ud] hghl ;glhj ghaiv hghyhkn

    توقيع :acc.mu7amad
    اللهم احفظ مصر واهلها من كل سوء .
    سبحانك ربى استغفرك واتوب اليك .
    لا اله الا الله ;; محمد رسول الله .
    egyvet

    21-03-2012 10:35 مساء
    مشاهدة مشاركة منفردة [1]
    acc.mu7amad
    WEB DESIGNER
    معلومات الكاتب ▼
    تاريخ الإنضمام : 04-01-2012
    رقم العضوية : 3
    المشاركات : 6995
    الدولة : مصر
    الجنس : ذكر
    الدعوات : 5
    قوة السمعة : 100
     offline 
    look/images/icons/i1.gif بمناسبة عيد الام كلمات لاشهر الاغانى
    كل سنة وانتى طيبة يا امى
    توقيع :acc.mu7amad
    اللهم احفظ مصر واهلها من كل سوء .
    سبحانك ربى استغفرك واتوب اليك .
    لا اله الا الله ;; محمد رسول الله .
    egyvet

    22-03-2012 01:33 صباحا
    مشاهدة مشاركة منفردة [2]
    د/ على عبدالرحمن
    المشرف العام
    معلومات الكاتب ▼
    تاريخ الإنضمام : 28-12-2011
    رقم العضوية : 1
    المشاركات : 1401
    الدولة : Egypt
    الجنس : ذكر
    قوة السمعة : 111
    موقعي : زيارة موقعي
     offline 
    look/images/icons/i1.gif بمناسبة عيد الام كلمات لاشهر الاغانى
    كل سنة وامهاتنا بخير
    توقيع :د/ على عبدالرحمن

     



    المواضيع المتشابهه
    عنوان الموضوع الكاتب الردود الزوار آخر رد
    نصائح للقيادة الامنة اثناء تساقط الامطار د/ على عبدالرحمن
    0 1321 د/ على عبدالرحمن
    اهمية الامعاء بالنسبة للهضم والامتصاص د/ على عبدالرحمن
    0 1952 د/ على عبدالرحمن
    اطلس رائع لجميع الامراض التى تصيب الدواجن د/ على عبدالرحمن
    11 7894 د/ على عبدالرحمن
    الامراض الطفيليه للارانب alexrabbit
    0 470 alexrabbit
    الامراض التنفسية التي تصيب الدجاج البياض و الامهات : د/ على عبدالرحمن
    0 778 د/ على عبدالرحمن

    الكلمات الدلالية
    لا يوجد كلمات دلالية ..


     







    الساعة الآن 02:12 مساء